अमेरिकामा स्वेच्छिक रक्तदानलाई प्रोत्साहन गर्दै आएको संस्था ब्लड डोनर्स अफ अमेरिका (बीडीए) टेक्सस च्याप्टरले राज्य सम्मेलन आयोजना गर्ने भएको छ । (बीडीए) टेक्सस च्याप्टरले आउँदो सेप्टेम्बर ६ तारिकका दिन टेक्सासको नर्थ रिचल्याण्ड हिल्समा आफ्नो तेस्रो राज्य सम्मेलन गर्ने भएको हो ।
सेप्टेम्बर ६ तारिक शनिबार साँझ ५ बजेदेखि सुरु हुने सम्मेलन नर्थ रिचल्याण्ड हिल्सको रमाइलो इभेन्ट सेन्टरमा आयोजना हुँदैछ । बीडीए टेक्सस च्याप्टरका अध्यक्ष अजय बगालेका अनुसार नेपाली बाहुल्य राज्य टेक्सासमा आयोजना हुँदै गरेको यस सम्मेलनले रक्तदाता र संस्थाविचको आपसी सम्बन्धमाथि सम्मान, संस्थाको नयाँ नेतृत्व हस्तान्तरण, प्रोत्साहन सहितको प्रशंसा कार्यक्रम लगायको लक्ष्य राखेको छ ।
टेक्सस राज्यमा मात्रै संख्यात्मक रुपमा १ हजार भन्दा बढी स्वयंसेवक र रक्तदाताहरू आवद्ध बीडीए टेक्ससलाई अमेरिका भरी नै उत्कृष्ट च्याप्टरमा रुपमा हेरिन्छ ।
