नेपाल कम्युनिष्ट पार्टी क्रान्तिकारी माओवादीका महासचिव मोहन वैद्य किरणले सक्रिय राजनीतिबाट बिदा लिएका छन् । आईतबार काठमाण्डौमा बसेको केन्द्रीय समितिको तेस्रो पूर्ण बैठकमा भर्चुअल माध्यमबाट सहभागी वैद्यले आफ्नो राजीनामा दिएको घोषणा गरेका हुन् ।
आईतबार कै बैठकले उनको राजीनामा स्वीकृत गर्दै वरिष्ठ नेता सीपी गजुरेललाई महासचिवमा नियुक्त गरेको छ ।
७९ वर्षको उमेरमा सक्रिय राजनितिबाट सन्यास लिएका बैद्य नेपाली कम्युनिस्ट आन्दोलनका सङ्घर्षशील व्यक्तित्वका रुपमा चिनिने गर्दथे । नेकपा (माओवादी) ले २०५२ सालमा घोषणा गरेको सशस्त्र युद्धका मुख्य योजनाकार रहेका बैद्य २०६२\६३ सालको जनआन्दोलनपछि शान्तिपूर्ण राजनीतिमा सक्रिय नेताका रुपमा उदाएका थिए ।
गत मङ्सिरमा सम्पन्न क्रान्तिकारी कम्युनिस्ट पार्टीको महाधिवेशनबाट महासचिवमा सर्वसम्मत निर्वाचित वैद्य निमोनिया र दमको रोगबाट पिडित थिए । उनले आफ्नो राजिनामाको कारण पनि स्वाथ्य समस्यालाई देखाएका छन् ।
२०६४ सालको पहिलो संविधानसभा चुनावपछि समानुपातिक तर्फबाट संविधानसभा सदस्य बनेका बैद्यले सो समय पनि ६ महिना नपुग्दै राजीनामा दिएका थिए ।
