Call Us

9849242474

Our Location

Putalisadak, KTM

भिजन क्लब ईन्टरनेशनलको क्षेत्रिय सम्मेलन थाईल्याण्डमा सम्पन्न

मानविय सेवाभाव र सामाजिक उत्तरदायित्व हेतु अमेरिकाको न्यूयोर्कमा रहेको सामाजिक संस्था भिजन क्लब ईन्टरनेशनलले आफ्नो क्षेत्रिय सम्मेलन थाईल्याण्डको बैंककमा सम्पन्न गरेको छ । भिजन क्लब ईन्टरनेशनका संस्थापक तथा अन्तराष्ट्रिय अध्यक्ष मंगल दास श्रेष्ठको प्रमुख आतिथ्यतामा अक्टोबर ११ तारिकका दिन क्लबले क्षेत्रिय सम्मेलन सफलतापूर्वक सम्पन्न गरेको हो ।

थाइल्याण्डको बैङ्कक स्थित प्रिन्सटन होटलमा सम्पन्न सम्मेलनमा इन्टरनेशनल प्रेसिडेन्ट श्रेष्ठ सहित भिजन क्लव अफ काठमाडौंका अध्यक्ष राजकृष्ण श्रेष्ठ, सचिब धुर्ब कुमार श्रेष्ठ , कोषध्यक्ष जय राज श्रेष्ठ , स्वास्थ्य संयोजक बिष्णु बहदुर श्रेष्ठ , श्याम कृष्ण श्रेष्ठ सदस्यहरु रमेश मल्ल, ज्ञान दास श्रेष्ठ र गणेश श्रेष्ठको सहभागिता रहेको थियो ।

लामो समय देखि अमेरिकाको न्यूयोर्कमा रहँदै आएका अन्तराष्टिय अध्यक्ष मंगलदास श्रेष्ठ क्षेत्रिय सम्मेलनका लागि अमेरिकाबाट नै थाईल्याण्ड पुगेका थिए भने अन्य पदाधिकारी नेपालबाट सहभागी रहेका थिए । अध्यक्ष श्रेष्ठले सम्मेलनको उद्येश्य र योजनामाथी प्रकाश पारेका थिए भने सहभागी अन्य पदाधिकारीहरुले पनि क्षेत्रिय सम्मेलन विभिन्न देशहरुमा गर्नुको कारण र उपलव्धिमाथी आ-आफ्ना धारणा राखेका थिए ।

हरेक क्षेत्रिय सम्मेलन छुट्टाछुट्टै देशहरुमा गर्दै आएको भिजन क्लबले विश्वव्यापि सामाजिक सेवा भावलाई विस्तार गर्दै अघि बढिरहेको छ । नेपालका विभिन्न जिल्लाहरुका समाज, विद्यालय र व्यक्तिहरुलाई शिक्षा, स्वास्थ्य, खेलकुद लगायतका क्षेत्रमा निरन्तर महत्वपूर्ण समहयोग गर्दै आएको भिजन क्लब ईन्टरनेशनलले नेपालमा प्राकृतिक प्रकोपका पिडित देखि देशका लागि महत्वपूर्ण योगदान पुर्याउँदै आएका व्यक्तिहरुलाई नगद सहित सम्मान गर्दै आएको छ ।

Share the Post:

Leave a Reply

Your email address will not be published. Required fields are marked *

RELATED POSTS