नेपाली बाहुल्य राज्य अमेरिकाको टेक्सास स्थित नेपाली महावाणिज्यदूतावासले अक्टोबर १० तारिकबाट विभिन्न महत्वपूर्ण विषयमाथि सेवा प्रदान गर्ने भएको छ । महावाणिज्यदूतावासले अक्टोबर १० तारिक शुक्रबाटबाट राहदानी आवेदन, कन्सुलर प्रमाणीकरण, अधिकृत वारेशनामा लगायतका महत्वपूर्ण विषय लक्षित सेवा प्रदान गर्ने भएको हो ।
एकतर्फी यात्रा अनुमतिपत्र एकतर्फी यात्रा अनुमति पत्र लगायतका सेवा समेत प्रदान गरिने कार्यक्रमका बारेमा महावाणिज्यदूतावासले आफ्नो आधिकारिक फेसबुक पेजमा सार्वजनिक गरेको जानकारी अनुसार प्रारम्भिक हप्ताहरूमा प्राविधिक समस्या आउन सक्ने सम्भावना रहेकाले सुरुवाती समयमा दैनिक सीमित संख्यामा मात्र राहदानी आवेदन खुला गरिने जनाएको छ । प्रणाली स्थिर भएपछि आवेदन कोटा आवश्यकता अनुसार क्रमशः बढाइने समेत बताएको छ ।
शुरूका केही दिनका लागि राहदानीको म्याद समाप्त भइसकेका र अत्यावश्यक कारणले नयाँ राहदानी आवश्यक परेका सेवाग्राहीले मात्र आवेदन फाराम भर्नका लागि अनुरोध गरेको महावाणिज्यदुतावसले जडान गरिएको राहदानी आवेदन संकलन प्रणाली (ePassport Application System) परीक्षण चरणमा रहेको पनि जानकारी दिएको छ ।
विस्तृत जानकारीका लागि आधिकारिक वेबसाइट केही दिनभित्र सार्वजनिक गर्ने तयारी गरेको महावाणिज्यदुतावासले भिसा र गैरआवासीय नेपाली (एनआरएन) परिचयपत्रसम्बन्धी कार्यका लागि सम्बन्धित निकायहरूसँग समन्वय भइरहेको जनाउँदै आवश्यक तयारी पूरा भएपछि माथि उल्लेखित सेवाहरू पनि सुरु गरिने बताएको छ ।
